الخميس، 27 أبريل، 2017

اللحظه السعيده

كل شخص هتقابله

كل مكان هتروحه

ممكن تكون اول مره

وممكن تكون الأخيره

دى الحقيقة المريره

وعلشان كده عيش اللحظه

وخليها هى اللحظة السعيده .

خواطرى .. هناء وجدى

الحبيب

نقى قلبك واتحلى بالأدب

صلى وصوم وماتنساش تتوب

هتلاقى الخير جالك على الابواب 

احمد ربك ده هو التواب المجيب

واكثر من الصلاة على الحبيب 

ده هو المصطفى وهو الحبيب

وكل سنه وانت متهنى ويا الحبيب .

خواطرى .. هناء وجدى

الاثنين، 24 أبريل، 2017

ارسم


ارسم فرحك

ارسم ألمك

دارى دمعك

انسى خوفك

واتحدى نفسك
 
 م.هناء وجدى

بداية ونهاية


مع كل نهايه بتكون بدايه

ومع كل بدايه فيه حكايه

وجوة الحكايه ابتسامه

والآه وياها مليون دمعه

وتنتهى الروايه وتنزل الستاره

ونقول من تانى دى البدايه .

 م.هناء وجدى

الأحد، 16 أبريل، 2017

ابتسم


هتاخد ايه من دنيتك غير ابتسامه

وهتسيب ايه فى دنيتك غير علامه

وبينهم هتعيش الحب والألم فى أيامه

ولما تضيق عليك بص للسما وقول يااالله

هتلاقى ربك الكريم بدل احزانك بابتسامه

وبعت لك كل يوم رساله جواها علامه 

بحبك ربى وبحب جميع خلقك ليوم القيامه

 م. هناء وجدى

الثلاثاء، 11 أبريل، 2017

الحبيب الشبح


الحبيب الشبح..
طبعا فيه أنواع وأشكال كتير من الندالة فى بعض علاقات الحب.. هاكلمكم النهاردة عن نوع منها شوفته كتير مؤخرا.. ممكن نسميه (الحبيب الشبح).. وهافترض إنه رجل.. رغم إنه ممكن يكون بنت فى بعض الأحيان..
واحد لطيف وظريف.. بيتعامل معاكى بشكل مختلف عن باقى البنات.. يبصلك كتير لو كنتى فى وسط أصحابك أو حتى لوحدك.. يسلم على كل زمايلكم فى المكان بطريقة، لكنه يسلم عليكى انتى بطريقة تانية.. يحاول يتكلم معاكى بزيادة شوية.. فيه من ناحيته اهتمام واضح لكن من غير ما يصرح بأى مشاعر..
مش بس كده..
ده يتابعك على الفيسبوك.. ويبعتلك فريند ريكويست.. ويعلق على كلامك وبوستاتك بمنتهى اللطف.. ويبدأ يكتب كلام موجه ليكى من بعيد لبعيد.. أو يحط أغانى تحسي إنها ليكى.. ولايكات وشير للصبح..
برضه مش بس كده..
ده يبدأ يقرب.. ويقرب.. ويسألك عن حياتك الشخصية باهتمام.. وبعدين يكلمك عن حياته وظروفه.. ويشاركك مشاكله ومواقفه.. واتصالات.. ورسايل.. لغاية ما تصدقى بما لا يدع أى مجال للشك إن الراجل ده بيحبك.. وعاوز يرتبط بيكى النهاردة قبل بكرة..
بس ياستى.. خلاص..
خلاص إيه؟
 خلاص.. خلصت الحكاية..
صاحبنا ده أول ما يلاحظ إنك أخدتى الموضوع جد.. وبدأتى تطلبى منه بشكل واضح إنه يقول.. ويعبر عن مشاعره ويسميها.. ويكلف خاطره وياخد خطوة لقدام.. تلاقيه رجع خطوتين لورا.. وقالك: لا.. الظاهر إنك فهمتينى غلط.. أنا بعاملك عادى جدا.. احنا قريبين اه بس مش بالشكل اللى وصلك.. أنا بحب أتكلم معاكى كأصحاب أو اخوات..
طيب والكلام والأغانى والتعليقات واللايكات.. عادى..
 والنظرات والهمسات والمكالمات.. ايه المشكلة..
طبعا لو كانت الحدود بيكم دابت شوية ووصلت للخروج والفسح ويمكن أكتر.. يبقى هايقولك آه أنا بحبك فعلا، وبحب أكون معاكى، وباتبسط فى وجودك، بس مش هاينفع أكتر من كده.. مش هاينفع نتجوز.. الجواز هايبوظ اللى بينا.. خلينا كده أحسن..
فيه نوع أخطر وأخطر.. اللى هو يحب ويتقدم ويخطب.. وقبل الفرح بشوية (ساعات أيام).. يخلع.. يختفى.. بخ..
باختصار شديد.. الراجل اللى زى ده مكتوب عليه (بالحبر السرى) يافطة كبيرة جدا: (أنا مش بتاع مسئولية)..
واحد بيوصل رسايل نفسية وعاطفية بالحب والاهتمام.. لكن من تحت لتحت.. علشان مايبقاش مسئول عنها عند اللزوم..
بيتعمد إنه يمشى على الحبل فى علاقته بيكى علشان يتجنب الوحدة من ناحية.. والارتباط من ناحية تانية.. ومايبقاش مسئول عن مصير العلاقة دى..
تصرفاته بتقول كلام.. ولسانه بيتبرأ منه بكل جبن.. علشان حتى مايبقاش مسئول عن كلامه..
البنى آدم اللى زى ده عامل زى الطفل الصغير.. عاوز يرضع ويشبع ويتبسط وبس.. من غير ما يدفع أى تمن..
عاوز شوية تدليك عاطفى بالليل.. وماساج نفسي بالنهار.. وكل واحد يروح لحاله بعد كده..
يحرك فيكى أحلى مشاعر.. ويعيشك فى أروع أحلام.. لكن دوره ينتهى لغاية هنا.. لأنه مش قد اللى بعد كده..
الراجل ده عمره ما هايتحمل مسئولية علاقة حقيقية.. وده واضح من الأول.. بس انتى ماكنتيش واخدة بالك.. ولما أخدتى بالك.. عملتى نفسك مش واخدة بالك.. انتى برضه شاركتى فى اللعبة..
الراجل اللى زى ده ماينفعش تأتمنيه على نفسك.. وماينفعش ترتبطى بيه.. وماينفعش تتجوزيه.. لأنه شخص غير مسئول..
المسئولية مش فى الصوت العالى ومصروف البيت..
الرسالة اللى بوصلها لحد من خلال تصرفاتى.. مسئولية..
المشاعر اللى بحركها جوه حد.. مسئولية..
الكلمة والنظرة والتعليق واللايك.. مسئولية..
 لأن ليهم معنى.. ووراهم هدف..
طبعا فيه أسامى حلوة وأوصاف شيك للراجل ده.. زى (عنده فير اوف كومتمنت Fear of committment) أو (عنده كوميتمنت ايشوز Committment issues).. بس أنا أفضل اسميه (الحبيب الشبح)..
هاتى بقى كشاف نور قوى..
وافتحيه على الآخر..
ووجهيه لعنيه مباشرة..
وقوليله..
لا..
كفاية ضباب لغاية كده..
ياإما نطلع للنور مع بعض..
 ياإما تخليك فى الضلمة لوحدك..

الاثنين، 10 أبريل، 2017

القطار المتجه إلى الجنة

قصة قصيرة راقت لى .

محطة القطار في مدينة ميونخ الألمانية والوقت متأخراً ليلاًَ والطقس بارد . 
قطعت تذكرة للسفر الى مدينة ، فريدريشهافن على النوردزي حيث يُقام معرض لآلات البلاستيك ،  وإذا بالموظف في الشباك الثاني لقطع التذاكر يسألني إن كنت أعلم لغة المتكلم معه ليشرح له كيفية السفر إلى المكان المطلوب .
 المسافر من دول الخليج يريد أن يتابع سفره إلى مدينة فرانكفورت على ما أذكر للعلاج ولم يكن في هذا الوقت المتأخر قطاراً ينتقل مباشرة إلى المدينة ،
 بل عليه أن ُيبدّل القطار مرتين في محطتين مختلفتين ليصل إلى هدفه وكانت أول مرة يسافر فيها الى الغرب ولا يتكلم أي لغة أجنبية .
حاولت ان أشرح له سريعاً كيفية الوصول ولكن تعابير وجهه لم تكن تدل على أنه استوعب ذلك
 فاحضرت ورقة وكتبت له باللغة العربية اسم البلدة الاولى ووقت الوصول ثم النزول سريعاً الى المحطة المطلوبة وأخذ القطار المطلوب ثم مرة ثانية اسم البلدة التالية ووقت الوصول ثم النزول سريعاً واخذ القطار الثاني إلى الوجهة المطلوبة وكتبت الترجمة بالالمانية تحت كل جملة ليعلم معناها ِليُرشد الى الوجهة المطلوبة ثم رافقته إلى المحطة المطلوبة وصعد القطار ثم تابعته إلى أن جلس وتكلمت إلى جليس ألماني بقربه ووعدني أن يرشده للوجهة الأولى .
لوّحت له مودعاً وتمنيت له سلامة الوصول.
 تذكرت نفسي ونظرت إلى تذكرتي فوجدت نفسي على غير رصيف وقد مضى خمس دقائق على توقيت القطار المطلوب ، فركضت مسرعاً إلى الرصيف فاذا بالقطار على اهبة السير وقد كُتب على اللوحة ( تأخير خمس دقائق) ، صعدت لاهثاً ومشى القطار .
وصلت إلى وجهتي منتصف الليل واخذت سيارة اجرة فسار بي قليلاً ثم سألني عن وجهتي ؟
فأجبته : إلى أي فندق في المدينة فوقف فجأة وقال أعتذر منك فالفنادق كلها مشغولة منذ الساعة العاشرة  إنه وقت معرض ولا مكان شاغر لك فتفضل بالنزول ! قلت إلى أين اذهب في هذه الساعة وفي هذا الطقس البارد ؟؟ فرقّ لحالي ثم اتصل عبر جهازه اللاسلكي بمكتب سيارات الأجرة الذي يوجهه وقال للموظفة التي ردت عليه : معي راكب يريد فندقاً ،
فاجابت بعصبية : ألم اقل لك مراراً بانه لا يوجد شواغر في الفنادق كلها !
وسمعنا في هذه الثانية صوت رنين الهاتف الداخلي بمكتبها فأجابت عليه ،
 ثم قالت للسائق انطلق إلى فندق الدولاب الذهبي فإن نزيلاً اعتذر عن الحضور وحجزت للراكب الذي معك المكان : أعطني اسمه.
واذابالسائق يضرب بيده على جبهته بشدة عدة مرات متعجباً ويقول (انغلوبليش انغلوبليش) لا أصدق!  لا أصدق ! فقد كان مبهوتا بهذا التوقيت العجيب ولا يجد له تفسيراً. 
وصلت الفندق فحيّاني موظف الاستقبال وقد كُتب  على لوحة أمامه -لا أماكن شاغرة- وقال لي أنت محظوظ العشرات ينتظرون مكان شاغر .
استلمت الغرفة ونظرت من شرفتها التي تطل على البحيرة ومناظرها الخلابة وأضوائها الهادئة
وسكونها المريح واستعبرت وانحدرت دمعة رقيقة من عيني وحدثت نفسي :
قطار بمئات الركاب يتأخر لأجل راكب ؟
وغرفة تُحجز في توقيت معجز في الدقة لفرد معين دون العشرات ؟ا
وغرفة مميزة في فندق مميز ؟
أمِن أجل الوقوف على رصيف محطة لمساعدة إنسان تائه ؟
كل هذا الكرم ؟
يا رب إني إنسان تائه أقف على الرصيف بانتظار القطار الذي يأخذني إلى جنانك .
يا رب ما أخطأته بحياتي فإني قد وقفت ببيتك العتيق واستغفرتك وما زلت اخطئ واستغفرك  وأنت الغفور الرحيم ،
وما عملته من خير فأنت الذي وفقتني لفعله بهدايتك لي وبكرمك وأنت الهادي الكريم وانت العزيز الحكيم .
 يا رب أنا التائه على الرصيف في هذا الجو العاصف الذي يعصف بنا وبأمتنا ففرج من عندك . 
يارب نحن على الرصيف بانتظار قطار السلام الذي يوصلنا إلى بر الأمان  وخير الجنان ورضى الرحمن برحمتك يا أرحم الراحمين يا رب العالمين .

المسيخ الدجال



قال الرجل العجوز 
 لا تنظر إلى ما يرتسم على الوجوه و لا تستمع إلى ما تقوله الألسن 
و لا تلتفت إلى الدموع .

 فكل هذا هو جلد الإنسان .. و الإنسان يغير جلده كل يوم 

و لكن إبحث عما هو تحت الجلد
لا .. ليس القلب ما أعنى 
فالقلب هو الآخر يتقلب و لهذا يسمونه قلبا .
 و لا العقل فالعقل يغير وجهة نظره كلما غير الزاوية التي ينظر منها 


و قد يقبل اليوم ما أنكره بالأمس .
 ألا يبدل العلماء .. حتى العلماء نظرياتهم ؟
لا يا ولدي .. إذا أردت أن تفهم إنساناً فانظر إلى فعله لحظة اختيار حر .

و حينئذ سوف تفاجأ تماماً 
فقد ترى القديس يزني و قد ترى العاهرة تصلي وقد ترى الطبيب يشرب السم .


 د. مصطفى محمود .. {من كتـــاب - المسيــخ الدجــال}.


الجمعة، 7 أبريل، 2017

اتقوا الله

*إن صبرت أدركت بصبرك منازل الأبرار وإن جزعت أوردك
 جزعك عذاب النار .

*إن كنتم راغبين لا محالة فارغبوا فى جنة عرضها السموات والأرض .

*إن كنتم لا محالة متنزهين فتنزهوا عن معاصى القلوب .

*إن كنتم لامحالة متعصبين فتعصبوا لنصرة الحق وإغاثة الملهوف .

*إن كنتم لا محالة متسابقين فتسابقوا إلى إقامة حدود الله والأمر بالمعروف .

"على بن ابى طالب".

عبادة الله

إن قوماً عبدو الله سبحانه رغبة فتلك عبادة التجار


وقوماً عبدوه رهبة فتلك عبادة العبيد


 وقوماً عبدوه شكراً فتلك عبادة الأحرار .

"على بن ابى طالب".

مراحل الصدمة

فى الغالب  عند حدوث صدمة لنا ، نمر بخمس مراحل:
1- الإنكار 
2-الغضب 
3-المساومة 
4-إكتئاب
 5-القبول.
الحالة الأولى (الإنكار) :
ندعي انه لم يحدث، رغم وجود الحقائق ... لكن نصر على عدم حدوثه، وهي الوسيلة الدفاعية الأولة، والتي عليها أغلب الناس.
الحالة الثانية (الغضب):
فتبدأ الحقائق بالطفع على سطح ولا يمكن إنكارها... فنغضب... كيف ولماذا ومتى.. ولماذا أنا والآن... ومحال و إلقاء اللوم اما على النفس او الآخر لماذا ترك أعمى .
الحالة الثالثة المساومة: 
محاولة إقناع النفس، ان الظروف او لم يجد احد يساعده ...وهذا كالذي يحاول التوفيق بين مذهبين.
الحالة الرابعة الإكتئاب: 
لا مفر من قبول الحقيقة، فيحزن ويكتئب محاولة بين المقاومة والقبول... وقيل لا تحاول تشجيع من يمر بهذه المرحلة وانا أؤيد.
الحالة الخامسة القبول: 
هنا نقبل الحقيقة تماماً وان هذا هو الواقع الذي علينا التعامل معه! ونبدأ نضع حساباتنا وأولوياتنا عليها... مرحلة أكثر وعيا.
انت حبيس اي مرحلة؟.

وظئف خالية

وظائف خاليه على من يجيدها التقدم للوظيفه مع العلم انك هتشغل اكتر من وظيفه فى وقت واحد فيجب ان تكون مستعد دائما .

الوظيفه الاولى 
مطلوب امراءه متفرغه وهادئه الطباع وتهوى رعايه الاطفال قادره على حمل الطفل بدون كلل واطعامه كل 3 ساعات وان يكون نومها خفيفا ويجب ان تتواجد على مدى 24 ساعه -7ايام فى الاسبوع دون اجازات لمده سنه ونصف .


الوظيفه الثانيه (2)
 مطلوب رياضيه فى اعلى مستوياتها لحمايه طفل فى مرحله تعلم المشى دون كلل او ملل وان تتمتع بقدره هائله بالتنبؤ بالخطر وملمه بالاسعافات الاوليه مده العمل 15 ساعه على الاقل 7 ايام فى الاسبوع وممنوع اخد فتره راحه او غداء الا اذا كان الطفل نائما وتستمر الوظيفه لمده سنه ونصف .


الوظيفه الثالثه (3)
 سيده ذات خبره فى توفير جو تربوى يتسم بالدفء والحنان لتهيئه الطفل لمرحله المدرسه ويجب ان تكون على درايه بجميع انواع الادب والفنون واللغات والانشطه الرياضيه لاكتشاف مواهب الطفل
تستطيع اخد اجازه ساعتين فى اليوم لمده خمس ايام حال تواجد الطفل فى الحضانه وتستمر الوظيفه 3 سنوات .


الوظيفه الرابعه (4)
 فرصه عظيمه لخبيره فى الترفيه واقامه المعسكرات وكافه انواع الرياضيات ويجب ان تجيد التعامل مع المدرسين واعضاء مجلس الاباء وبقيه 
والاباء لزملاء الطقل ولا تعترض على تربيه الحيوانت الاليفه وتستمر الوظيفه لمده 6 سنوات .


الوظيفه الخامسه (5)
متاحه ل اخصائيه فى العلوم النفسيه للمراهقين على درايه بالطبخ جيدا وبكميات كبيره  ولديها القدره على التسامح ولا تساورها الوساوس وان يكون لديه الشعور بان تواجدها يسبب احراجا لطفلها وتستمر فى الوظيفه 6 سنوات .


الوظيفه السادسه(6)
 مطلوب على وجه السرعه مموله قادره على تقديم المال وشراء الملابس وسياره لفتى جامعى ولا يشترط تقديم النصح والارشاد وسيكون لديها متسع من الوقت لتعمل فى عمل اضافى لزياده الدخل وتلبيه كل احتياجاته العصريه .


{من كتاب شوربه دجاج للمرأه}

{ياترى كل واحده بتشغل كام وظيفه فى نفس الوقت }