الجمعة، 26 أغسطس، 2016

الخوف من الحياة

اغلب مشاكلنا تنبع من الخوف 
الخوف من التغيير
الخوف من الفشل 
الخوف من النجاح
الخوف من المرض 
الخوف من الموت
الخوف من الحب 
الخوف من العنوسه 
الخوف من الزواج
الخوف من الوحدة
الخوف من المجهول ....وغيره كتيير.
 تعددت الأسباب والخوف واحد 
الخوف بيمنعك انك تعيش الحياة
90% من الحاجات اللى انت خايف منها مالهاش وجود الا فى خيالك ، وال 10% الباقيين احتمال تحصل واحتمال لأ.
وفجأة تكبر فى العمر وتكتشف انك واقف فى مكانك زى ما أنت ماتغيرش فيك ولا حواليك اى شىء وتكتشف ان عمرك اتسرق منك - وهنا بالذات احب اقولك ان انت اللى سرقت عمرك - يوم ماخفت من انك تخوض اى تجربه واخترت تعيش فى منطقه الأمان بتاعتك والنتيجه مخزيه بكل المقاييس .
القرار فى ايديك ابدأ الأن ،وعيش حياتك بكل مافيها من غير خوف ولا قلق .
أنت تقدر .. أنت تستحق .